НҮБ-ын Хүн Амын Сан Эрүүл Мэндийн Яам болон Боловсролын ерөнхий газартай хамтран “Сэргийлэх боломжтой эхийн болон перинатал эндэгдлийг тэглэх арга хэмжээг эрчимжүүлэх нь” төсөл болон, Хүний папиллома вирусийн дархлаажуулалтыг эрчимжүүлэхэд орон нутагт техник арга зүйн дэмжлэг үзүүлэх, мэдээлэл зөвлөгөө өгөх зорилгоор Баянхонгор аймагт ажиллаж Засаг даргын Тамгын газрын болон холбогдох салбарын удирдлага, захирал, мэргэжилтнүүдтэй уулзалт хийлээ.
Уулзалтаар
2022 оноос хэрэгжүүлж буй “Сэргийлэх боломжтой эхийн болон перинатал эндэгдлийг бууруулахад дэмжлэг үзүүлэх” төслийн хэрэгжилтийн явц, үр дүн, цаашид хийж хэрэгжүүлэх ажил, хамтын ажиллагааны талаар ярилцлаа. Дээрх төсөл нь аймгийн Нэгдсэн эмнэлэг болон Баянговь, Баянлиг сумын эрүүл мэндийн төвд хэрэгжиж байгаа билээ.2024 оны 11 дүгээр сараас хийгдэж эхэлсэн хүний папиллома вирусийн халдварын эсрэг дархлаажуулалтад аймгийн иргэдийн хамрагдалтын байдалд хийсэн хяналт, үнэлгээний дүн, иргэдийн ойлголт, хандлагын тухай, цаашид авч хэрэгжүүлэх үйл ажиллагааны талаар санал солилцож цаашдын үйл ажиллагааны төлөвлөгөө гаргалаа.Томилолтын баг Баянхонгор аймагт ажиллах үеэрээ аймгийн Нэгдсэн эмнэлэг болон Баянговь, Баянлиг сумдын Эрүүл мэндийн төвүүдэд жирэмслэлтээс сэргийлэх урт хугацааны арга болох суулгац, багаж хэрэгслийн хамт гардуулж өглөө.
Цаашид эх баригч төвтэй сургалтын өрөөг Аймгийн Нэгдсэн эмнэлэгт тохижуулж эх баригчийн цогц чадамжийг нэмэгдүүлж охид, эмэгтэйчүүдийн хэрэгцээнд нийцсэн нөхөн үржихүйн эрүүл мэндийн болон эх барихуйн тусламж үйлчилгээг хүргэнэ.